Mun ware sama da biliyan 1 don gyaran matatun mai 2 – Timipre Sylva

Gwamnatin tarayya ta ware sama da Dala Biliyan daya na kwangilar gyaran matatun mai dake Warri da Kaduna.

Karamin ministan albarkatun mai na kasa Timipre Sylva ne ya bayyana hakan ga manema labarai.

Ya ce, gyaran matatun mai zai taimaka wajen bunkasa ayyukan su a fadin kasar nan.

Timipre Sylva ya kuma bayyana cewar, an ware dala miliyan dari takwas ga matatar mai ta Warri yayin da aka ware dala miliyan 586 ga matatar mai ta Kaduna.

Ministan ya ce za’a gudanar da aiyyukan gyare-gyaren a kashi uku, na ɗaya cikin watanni 21 sai kashi na biyu a watanni 23, na ukun a watanni 33.