Sergio Ramos ya bar Real Madrid bayan shafe shekaru 16

Kungiyar kwallon kafa ta Real Madrid ta ce kaftin Sergio Ramos ya yi bankwana da kungiyar bayan shafe shekaru 16.

Kungiyar ta kuma ce an shirya wa Ramos taron bankwana da aka gudanar a gaban shugaban kungiyar Florentino Perez a yau Alhamis 17 ga watan Yuni.

Ramos mai shekaru 35 ya sha fama da raunika tun a farkon wannan kakar wasan da muke ciki, lamarin da ya sanya dan wasan buga wasanni sau biyar kadai a bana.

Wasanni 21 da Ramos ya buga wa Madrid a dukkan gasa, shi ne mafi karanci a cikin shekaru 15 da ya kasance a kungiyar.