Shahararriyar mawaƙiyar Hausa Magajiya Ɗanbatta ta rasu

Shahararriyar mawakiyar Hausa anan Kano Magajiya Ɗambatta ta rasu.

Mawaƙiyar ta rasu bayan gajeriyar rashin lafiya a gidanta da ke Ɗambatta a yammacin ranar Juma’a.

Magajiya Ɗanbatta ta rasu tana da shekaru 86.

Tsohuwar mawaƙiyar na da lalurar gani wanda hakan yasa ta yi rayuwar ƙunci.

A watan Disambar 2018, Babban Editan Jaridar DAILY NIGERIAN, Jaafar Jaafar ya ƙaddamar da wani asusun tallafa mata, inda ta samu sama da Naira miliyan 5 a cikin asusun.

Wanda da shi ne aka yi amfani wajen gina mata gida madaidaici da kuma kula da rayuwarta.

Magajiya Ɗambatta, ɗaya ce daga cikin mawakan Hausa da ta shahara a shekarun 1970 zuwa 1980.