Shugaba Biden ya mai da mafi karancin albashi naira dubu 6, 750 a duk aikin awa daya a Amurka

Shugaban kasar Amurka mista Joe Biden ya kara mafi karancin albashi zuwa dala 15 kwatankwacin naira 6,750

A jiya talata ne shugaba Biden ya bayyana wannan sako a shafinsa na twitter yana mai cewa wannan kari ya shafi duk wani ma’aikaci da ke Amurka

Mista Biden y ace babu dalilin da zai sa ma’aikaci ya yi aiki sannan ace ya kwana da yunwa saboda dana bin da ake biyansa bai kai ya kawo ba.

‘‘Saboda haka ya sanya na kara mafi karancin albashi zuwa dala 15 a duk aikin awa daya’’ a cewar shugaban na Amurka.

A Najeriya dai har yanzu ana ta cece-kuce kan batun mafi karancin albashin wanda wasu jihohin su ka yi amai suka lashe bayan sun amince za su rika biya tun da fari.