Shugaba Buhari yayi ganawar sirri da shugaban majalisar Dattawa

Shugaban kasa Muhammadu Buhari ya yi wata ganawar sirri  da shugaban majalisar Dattawa Sanata Bukola Saraki da takwaransa na wakilai Yakubu Dogara a fadar Asorok da ke Abuja a daren jiya.

Hakan na kunshe ne cikin wata sanarwa da aka yada a shafin twitter na fadar shugaban kasa.

Ana dai tsammanin cewa tattaunawar ta mayar da hankali ne a bangaren samar da mafita game da rahotannin kashe-kashe da ke faruwa a jihohin Benue da Taraba da Kaduna da kuma Rivers.

Rahotanni sun ce a na saran a yau Litinin shugaban kasar zai kuma gana da wata tawaga ta musamman daga jihar Benue wadanda suka hada da: shugabannin siyasa da kuma sarakunan gargajiya.