Taron shekara : Babban bankin duniya zai tallafawa Buhari

Babban bankin duniya ya ce zai tallafawa gwamnatin tarayya domin bunkasa fannin lafiya da ilimi a kasar nan.

Shugaban bankin David Malpass ne ya sanar da hakan jiya, yayin taron manema labarai game da babban taron bankin na shekara-shekara da ya saba gudanarwa.

David Malpass ya bayyana cewa wajibi ne Najeriya ta tashi tsaye wajen kyautata fannin lafiya da na ilimi, tare da kawar da duk wani nau’i na rashawa da ke cikinsa.

An fara taron na bana ne a ranar 12 ga wannan wata na oktoba, kuma za a kammala a ranar lahadi mai zuwa.