Tsaftar muhalli: An ci tarar kasuwar ƴan kaba Naira dubu ɗari 200

Kotun tafi da gidanka kan tsaftar muhalli ta yankewa shugabannin kasuwar ƴan kaba tarar Naira dubu ɗari biyu.

Da safiyar ranar Asabar ne kotun wadda ke ƙunshe a cikin tawagar duban tsaftar muhalli ta yanke musu hukuncin

Wannan dai ya biyo bayan samun kasuwar tana ci daidai lokacin da ake tsaka da tsaftar muhalli.

Da yake yanke hukuncin mai Shari’a Auwal Yusuf Sulaiman ya yi sammaci shugabannin kasuwar nan take, tare da yanke tarar Naira dubu ɗari biyu.

Haka kuma kotun ta buƙace su da su gurfana gabanta don amsa tambayoyi tare da biyan tarar.

Bayan kammala duban tsaftar muhallin kuma kotun ta bada Belin Shugaban kasuwar.