Yusuf Ali Abdallah ya zama PRO na 1 a ƙungiyar masu gabatar da shirye-shiryen al’umma a Redio

Ƙungiyar masu gabatar da shirye-shiryen al’umma a kafafen yaɗa labarai na Redio sun zaɓi Yusuf Ali Abdallaha a matsayin jami’in hulɗa da jama’a na ƙungiyar.

Hakan na cikin wasiƙar kama aiki da ƙungiyar ta gabatar ga Yusuf Ali Abdallah mai dauke da sa hannun shugabanta Sani Abdurrazak Darma.

A cikin wasiƙar, ƙungiyar ta yi la’akari da yadda Yusuf ke bada gudunmawa wajen ciyar da harkokin aikin jarida gaba.

Sanna kuma yana da jajircewa wajen bunƙasa harkokin jama’a musaman ma idan ya shafi ayyukan sa.

Ƙungiyar ta buƙace shi da yayi aiki tuƙuru wajen ciyar da ita gaba.