Za mu sama wa malamai fiye da 2,000 filaye- ASUSS

Kungiyar Malaman makarantun sakandare ASUSS shiyyar Kano, ta ce za ta samar da filaye fiye da guda Dubu Biyu ga mambobinta a kokarinta na saukaka wa malamai wajen mallakar muhalli.

Shugaban kungiyar Kwamared Abdu Usman Yalo, ne ya bayyana hakan a zantawarsa da freedom Radio a wani bangare bikin ranar Malamai ta duniya.

Kwamared Abdu Yalo ya kuma bukaci gwamnatin jihar Kano da ta sanya wa Malamai alawus karshen kowanne wata domin kara inganta ayyukansu.