Za mu sanya dokar ta ɓaci a Anambra – FG

Gwmnatin tarayya za ta sanya dokar ta ɓaci da kuma tsaurara matakan tsaro a jihar Anambra gabanin zaɓen gwamnan jihar da za a yi a ranar 6 ga watan Nuwamba.

Minsitan shari’a kuma antoni janar na ƙasa Abubakar Malami SAN ne ya bayyana hakan a ranar Laraba.

Malami ya sanar da matakin jim kaɗan bayan kammala zaman majalisar zartarwa ta ƙasa wanda shugaba Muhammadu Buhari ya jagoranta.

Ministan ya ce, gwamnati za ta yi duk mai yiwuwa wajen kiyaye rayukan al’umma da dukiyoyin su a yayin zaɓen da kuma tabbatar da n bi tsarin dimukradiyya.