Zauren Majalisar Dokoki ya dade ya bukatar gyara – Ahmad Lawan

Shugaban majalisar dattijai Ahmad Lawan ya ce zauren majalisar dokoki ta kasa na bukatar gyare-gyare tun ba yanzu ba.

Lawan ya bayyana haka ne bayan da mataimakin mai tsawatarwa na majalisar dattawa Sanata Aliyu Sabi Abdullahi ya gabatar da bukatar gyara zauren majalisar dokokin.

Sanata Abdullahi ya ce, akwai kura-kurai sosai a yawancin rahotannin dake yawo a shafukan sada zumanta kan batun yoyo tare da mamaye zauren majalisar da ruwan sama yayi.

Ya kuma ce lamarin zai haifar da zubewar mutuncin ‘yan majalisar a idanun ‘yan Najeriya.