Connect with us

ilimi

Ƴan Najeriya su ba mu shawarar matakin da za mu ɗauka da ya fi yajin aiki – ASUU

Published

on

Ƙungiyar malaman jami’o’i ta ƙasa ASUU ta buƙaci ƴan Najeriya da bata shawarar matakin da ya kamata ta ɗauka a madadin yajin aikin da take tafiya wanda al’umma ke kokawa da shi.

Shugaban ƙungiyar mai kula da shiyyar Kano Farfesa Abdulƙadir Muhammad ne ya bayyana hakan ta cikin labaran Mu Leka Mu Gano na nan Freedom Radio da aka gabatar ranar Lahadi.

Ya ce, ƙungiyar ASUU ba ta da wani zaɓi da ya wuce shiga yajin aiki kamar yadda dokar ƙasa ta bada dama.

“Shekara 13 da muka ƙulla yarjejeniya da gwamnatin tarayya a 2009, da suka haɗar da yadda za a riƙa samun kuɗaɗen inganta jami’o’i da kuma batun albashi da alawus na ma’aikata, sai batun bai wa jami’o’i ƴancin cin gashin kai”.

 

Da yake amsa tambaya kan kalaman ministan ilimi Malam Adamu Adamu da ya bayyana cewa gwamnatin tarayya bata da masaniyar yajin aikin da kungiyar ASUU ta shiga, Farfesa Abdulkadir Muhammad ya c “lokaci yayi da ya kamata yan Najeriya su fahimci inda aka dosa, su san cewa shugabannin su basa son ci gaban su kuma ba inganta ilimin su ba ne a gaban su”.

Ya ci gaba da cewa “Ta yaya za a ce ministan ilimi guda ya ce bai san ASUU tana yajin aikin ba, ya kamata  duba wannan batu domin mu ASUU ba ɓoyayyun mutane ba ne”.

Wannan dai na zuwa ne bayan da aka shafe mako guda da fara yajin aikin ƙungiyar malaman jami’o’i ta kasa ASUU, da suka ƙuduri aniyar yi har na tsawon wata guda a matsayin gargaɗi.

 

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Archives