Za mu sa a cafke Ɗanzago idan ya kuma cewa shi ne Shugaban Jam’iyya – APC Gandujiyya

Jam’iyyar APC tsagin Gwamna Ganduje ta ce, za ta sanya jami’an tsaro su cafke Ɗanzago, idan ya ƙara bayyana kansa a matsayin shugaban jam’iyya.

Sakataren yaɗa labaran jam’iyyar Ahmad S. Aruwa ne ya bayyana hakan a zantawarsa da Freedom Radio.

Aruwa ya ce, Ɗanzago sojan gona yake yiwa shugabancin jam’iyyar, tunda ba shi da shaidar zama shugaba.

Ya ƙara da cewa, ya zama dole su ɗauki mataki matuƙar Ɗan Zagon ya sake bayyana kansa a matsayin shugaba.

A ranar Asabar ne Ɗanzago ya sake jaddada matsayarsa inda ya ce, shi ne halastaccen shugaban jam’iyyar a Kano.