Ƙawata birane: An fara dakatar da kwantena da shaguna da aka yi ba bisa ƙa’ida ba a Kano

Hukumar ƙawata birane ta jihar Kano ta fara aikin dakatar da shaguna da kwantena da aka dasa su ba bisa ƙa’ida ba.

Hukumar ta ce, an fara aikin ne bisa umarnin gwamna Dakta Abdallahi Umar Ganduje.

Dakatar da kwantena da shagunan da aka yi su akan hanya ba bisa ƙa’ida ba wani yunƙuri ne na tsaftace Kano da kuma tsara ta yadda ya kamata.

Hakan na cikin sanarwar da mai baiwa shugaban hukumar shawara kan harkokin ƙawata birane Kwamared Abdulkarim Kowa Naka ya fitar.

A cewar sa, hukumar za ta bi duk guraren da aka samar da su ba bisa ƙa’ida ba don ganin an ɗauki mataki.