Ƴan bindiga sun yi garkuwa da mahaifiyar AA Zaura

Wasu ƴan bindiga sun sace mahaifiyar ɗan takarar Sanatan Kano ta tsakiya a jam’iyyar APC Abdussalam Abdulkarim Zaura.

Al’amarin ya faru ne a daren jiya Lahadi a gidanta da ke garin Zaura na mazaɓar Rangaza a ƙaramar hukumar Ungoggo.

Mai magana da yawun ƴan sandan Kano SP. Abdullahi Haruna Kiyawa ya tabbatarwa da Freedom Radio faruwar al’amarin.

Ya ce “Mun tura jami’anmu sun ci gaba da bincike kan lamarin, don a gano maɓoyarsu”.