Ƴan bindiga sun yi garkuwa da soja tare da kashe guda 2 – NDA

Kwalejin horas da sojojin Najeriya NDA ta tabbatar da farmakin da wasu ƴan bindiga da ba a san ko su waye ba suka kai.

NDA ta ce, harin yayi sanadiyyar mutuwar sojoji biyu tare da yin garkuwa da soja daya.

Wannan na cikin wata sanarwa da jami’in hulɗa da jama’a na Kwalejin, Manjo Bashir Muhd ​​Jajira ya fitar.

Sanarwar ta ce, ƴan bindigar sun shiga cikin kwalejin a cikin abin hawan su, kuma suna sanye da kakin sojoji, inda kai tsaye suka wuce sssashin jami’an tsaro.

NDA ta kuma ce, za ta tabbatar da an ceto jami’in da suka sace nan ba da jimawa ba, tare da kamo ƴan bindigar.