Ƴan majalisar wakilai na PDP guda 4 sun koma APC.

Wasu ƴan majalisar wakilai guda huɗu ƴan asali jam’iyyar PDP sun sauya sheƙa zuwa jam’iyya mai mulki ta APC.

Mambobin na PDP sun sanar da sauyin sheƙa daga PDP zuwa APC ne yayin zaman majalisar a yau talata.

Waɗanda suka sauya sheƙar sune: Bello Hassan Shinkafi, Ahmed Bakura, Ahmed Shehu da kuma Suleiman Gumi

Ta cikin wata wasika mai ɗauke da sa hannun ɗan majlaisa Suleiman Gumi wanda aka karanta yayin zaman majalisar a yau talata, ƴan majalisar sun ce sun yanke shawarar barin jam’iyyar PDP ce sakamakon irin rikicin cikin gida da ya dabaibayeta, wanha ya kai ga uwar jam’iyyar ta ƙasa ta rushe shugabancin jam’iyyar a jihar.

Rahotanni sun ce tun farko dama mambobi shida na jam’iyyar  PDP a majalisar ta wakilai sun amince su sauya sheƙa tare da gwamna Bello Matawalle.