Rashin isassun kayan aikin noma ke sanya hauhawar farashin shinkafa a Najeriya – RIFAN

Kungiyar manoman shinkafa ta kasa reshen Jihar Kano RIFAN ta bayyana rashin isassun kayan aikin noman a matsayin babban dalilin da ya sa ake samun hauhawar farashin shinkafa a kasar nan.

Shugaban kungiyar Alhaji Abubakar Haruna Aliyu ne ya byyana hakan jim kadan bayan kammala shirin Barka da Hantsi nan Freedom Radio.

Ya kuma ce shinkafar da ake nomawa a kasar nan ta fi wacce ake shigowa da ita daga kasashen waje kyau da kuma amfani.

Ya kuma bukaci mahukunta da su rinka tuntubar manoman don sanin irin taimakon da ya kamata a yi musu.