Ƴan ta’adda sun kashe mutane dubu 100 a cikin shekaru 12 – Gwamna Zulum

Gwamnatin jihar Borno ta ce, cikin shekaru 12 da suka gabata ayyukan ta’addanci yayi sanadiyyar mutuwar yan asalin jihar sama da dubu 100.

Gwamnan jihar Babagana Umara Zulum ne ya bayyana hakan a yau, lokacin da yake amsa tambayoyin manema labarai, jim kaɗan bayan ganawar sa da shugaban kasa Muhammadu Buhari a Villa da ke Abuja.

Zulum ya ce, yan ta’adda sama da dubu biyu da ɗari shida ne suka ajiye makaman su a jihar a kwanakin nan, ciki har da matan su da ƙananan yara.