Ɗan Sarauniya ya goyi bayan Baffa kan ƴan adaidaita sahu

Tsohon Kwamishinan ayyuka na Gwamnatin Kano Engr. Mu’azu Magaji Ɗan Sarauniya ya goyi bayan hukumar KAROTA kan tilasta wa masu adaidaita biyan kuɗin haraji.

A cikin wani saƙon murya da ya aike wa Freedom Radio, Ɗan Sarauniya ya ce, abin da KAROTA ta yi daidai ne, kuma abu ne da ya dace a yi tun a baya.

Ya ce, bai ga abin ta da jijiyar wuya ga ƴan adaidaita ba, don kawai an ce su bayar da Naira ɗari-ɗari kullum.

Ya ƙara da cewa, ƴan adaidaita na amfani da tituna da tsaron jiha da lantarki na Gwamnati saboda haka babu dalilin da za su ƙi biyan wannan haraji.