Mun bukaci Buhari ya yi wa ‘yan Najeriya jawabi kan zanga-zanga – NIREC

Majalisar kula da addinai ta kasa NIREC karkashin jagorancin mai alfarma sarkin musulmai Alhaji Muhammad Sa’ad Abubakar na III, da kuma shugaban kungiyar kirstoci ta kasa CAN Dr. Samson Olasupo Ayokunle, sun bukaci shugaban kasa Muhammadu Buhari da ya yiwa ‘yan Najeriya jawabi kan zanga-zangar kawo karshen SARS da ake yi a kasa baki daya.

Wannan na kunshe cikin sanarwar da kungiyar ta fitar, biyo bayan samun zanga-zanga a wasu jihohin kasar nan.

Shugabannin ta cikin sanarwar sun bukaci matasan kasar nan da suyi taka-tsan-tsan wajen kaucewa tada fitina, da ka iya kawo rashin zaman lafiya a kasa baki daya.