Connect with us

Manyan Labarai

Satar yaran Kano da munafurcin kafafan yada labarai

Published

on

A ranar jumaar da ta gabata ce rundunar yansanda ta jahar Kano tayi holen wasu mutane da suka sace kananan yara ‘’yan asalin jahar Kano zuwa jahar Anambra tare da sayar da su a garin Onitsha.

Rahotanni sun nuna cewa ba’a nan kawai ta tsaya ba, bayan satar yaran an canja musu addini daga na musulunci zuwa kiristanci, tare da  mayar da su bayi.

Tun shekarar 2014 ne dai al’ummun wasu yankuna dake nan Kano da suka hada da unguwar Hotoro da Yankaba da Sauna da Kawaji da Dakata anan Kano suka rika korafin cewa ana sace musu yara kanana  .

Satar yara kananan ya tayar wa da iyaye da dama hankali inda wasu daga cikin iyayan suka shiga bakin cikin rabuwa da ‘yayan nasu sakamakon sace su da aka yi a tsawon shekara biyar.

An dade ana tafka mahawara tsakanin al’umma daban daban anan Kano a game da dalilin da yasa ake satar yara a Kanana kuma  ba tare da an gansu ba.

Ko a kwanakin baya sai da aka cafke wani dan kabilar Igbo a tashar motar sabongari da ake kira da a turance luxurious Bus station ya sace wani yaro a yankin unguwar Yankaba zai yi kudancin Najeriya da shi domin aikata ita wannan mummunar adawa ta sayar da yaran Kano.

Cafke wannan dan kabila ta Igbo shi ya saka rundunar ‘’Yanasandan jahar Kano karkashin tsarin nan na operation puff Adder suka shiga bibiyar wannan lamari har aka zo ga matakin da ake ciki na cafke masu satar yaran Kano da sayar da su da kuma canja musu Addini a yankin na kudu maso gabashin Najeriya.

Amma abun tambaya anan shi ne ,lokacin da labaran sace yaran suka yadu a kafafan yada labarai irin su jaridun Daily Nigeria , wasu daga cikin jaridun kasar nan basu mayar da hankali akan labaran da ya fito daga jahar ta Kano ba ,na sace yaran da mayar da su wani addini da ba nasu ba.

A lokacin da jaridun kudu suke bawa labarai da basu taka kara sun karya muhimmanci ba, da sauran al’amura na yau da kullum , sai ga shi labarin na yaran Kano bai zama labara mai muhimmanci ga jaridun na kudancin kasar nan ba.

A farkon shekarar 2016 ne dai wani dan asalin jahar Kano mai suna Yunusa Yellow aka zarge shi da tahowa da wata yarinya daga jahar Bayelsa mai suna Ese Oruru da aurar da ita har da zargin canja mata addini duk da zargin da aka yi na cewa ya aureta.

A wannan lokaci jaridun kudancin kasar nan sun yi nisa  wajen ganin an kwatowa wannan yarinya ‘’yar asalin jahar Bayelsa Ese Oruru hakkin ta na ganin cewa ta samu yanci daga hannun matashi dan asalin karamar hukumar Kura.

Yunusa Yellow ta kai ga an gabatar da shi a babbar kotun tarayya dake  Yenagoa babban birnin jahar Bayelsa.

Bayan nan jaridu irin su jaridar Sun, da sauran su, sun bibiyi labarin na Ese Oruru har zuwa garin na su domin bin bahasi akan abun da ya faru tsakanin Ese Oruru da Yunusa Yellow dan asalin karamar hukumar Kura.

Kungiyoyin Musulmi da dama da sauran kungiyoyi da na malamai sun yi shiru, banda kungiyar Muslims Right Concern wato MURIC da suka fitar da bayanai na tir da abunda ya faru na satar yaran na Jahar Kano.

Ko ina kungiyar hana fataucin yara da ta NAPTIP take, na gano matsalar da ake ciki a jahar Kano na sace yaran garin.

Ya kamata ace tuntuni Gwamnatin jahar Kano ta binciki abubuwan dake faruwa a wannan tashar ta  Sabongari da ake amfani da ita, na diban yaran Kano domin mayar da su wani addini da ba nasu ba, kuma a matsayin su na kananan yara da aka keta musu hakki.

 

Continue Reading

Manyan Labarai

Ganduje ya sakawa dokar kikiro masarautu hannu

Published

on

Gwamnan Kano Abdullahi Umar Ganduje ya sakawa dokar  kirkiro masarautu hannu.

Gwamanan ya sakaw dokar hannu a dakin taro na coronation a gidan gwamnatin Kano.

Gwamnan ya sakawa dokar hannu  bayan majalisar dokoki ta amince da dokar.

Da yake jawabi bayan sa hannu  Gwamna Ganduje yace dokar  kirkiro masarautun an yi ta ne domin kawo cigaba ga al’ummar yankunan sababbin masarautun.

A dai ranar 8 ga watan  Mayu na shekarar 2019 ne tsohuwar majalisar dokokin ta jahar Kano ta amince da dokar kirkiro karin masarautu a Kano da suka hada da Karaye  da Rano da Bichi da Gaya.

Amma a ranar 21 ga watan Nuwambar  da ya gabata ne babbar kotun  Kano ta soke kirkirar masarautun .

Dalilin da ya sa kenan gwamna Ganduje ya sake aike dokar domin amincewa da ita bisa kaida.

 

 

Continue Reading

Inda Ranka

Kotu ta saida gidan wani mutum yana gidan gyaran hali

Published

on

Duk da cewar bayan ya fito ya kai shigar da kara har ma kotu ta bada  umarni amma hakonsa bai cimma ruwa ba, domin masu gwanjan babbar kotun jiha sun bujirewa umarnin ta

Wakilin mu Nasiru Salisu Zango ya rawaito cewa, a cikin kunshin bayanan shari’a wanda alkali Faruq na kotun kasuwa ya rubuta ya nuna cewa, irin hukunce-hukuncen da kotun ta bada umarni amma wadanda ake kara suka yi mirsisi  a don haka kotun ta bayyana cewar matakin ya zama rainin-wayo.

Kamar yadda labarin ya nuna cewa wani mutumi ne wanda karayar arziki ta same shi har ta kai ga cin bashin da aka kai shi kurkuku saboda ya gaza

Wanda yana cikin wannan  kadamin ne sai aka sake kai karar sa kotun kasuwar Kurmi  saboda wadansu kudadan da ake binsa,duk da cewar an je wannan kotun kasuwar don tabbatar da sulhun da aka cimma a tsakanin su kama yadda hukuncin kotun ke tafiya akai,  amma sai shari’ar ta sauya zane daga batun sulhu ta dawo karbar kudi.

Kai-tsaye : Yaushe ne za’a cigaba da sauraran shari’ar Ganduje da Abba?

Kotun daukaka kara ta sanya ranar shari’ar Ganduje da Abba

Kotu a Kano ta yankewa mai cin zarafin kananan yara hukunci

Haka shima wanda ake bi bashin Malam Bashir Fari Sharada ya bayyana cewa ,daga wannan ranar da kotun ta sulhuntasu bata kara neman sa ba, amma hakan alkali yayi hukuncin zuwa asayar da gidan sa ba tare da sanin sa ba.

Ya sake bayyana cewa, yana zauna ne da iyalin sa suna karin kumallo kwatsam sai sukaji an sako kai cikin gidan ana fatali da kayansu.

Akan haka ne Malam Bashir Fari Sharada ya  bayyana bakin cikinsa duba da cewa wadanda aka je da su gidan shi har da Kurame domin ba za su iya jin irin roko da magiyar da yake musu ba,

Ya kara da cewar irin tozarcin da su kai masa har ma takai da iyalisa su kwana a makwabta shi kuma ya kwana a shagon damin acewar sa maganar siyar da gidan sa ta tabbata.

Hakan yasa ya daukaka kara shida lauyansa domin dakatar da Alkalin Sharif daukar matakin yanke hukuncin a baya, amma hakan bai samu ba saboda an dauke  alkalin kotun wanda ya yanke hukuncin farko.

Amma  kakakin babbar kotun jihar Kano Baba jibo Ibrahim ya ce alkalin babbar kotun jiha ya mayar da martanin cewa har idan wannan korafi yaje waje sa sai abin da ya tubewa buzu nadi.

Continue Reading

Labarai

Wani dan kasuwa ya gamu da ajalinsa sakamakon harbin bindiga

Published

on

Dan sandan  dai yana gadi ne a wani Banki  yayin da ya hango wannan mai mota ya buge wani mutum kuma wasu ‘yan sanda dake aiki a bakin titi suka  bukaci shi daya bude motarsa a saka wanda yaji raunin amma kuma yaki bayan da aka yi zargin cewar yana son ya tsere.

Amma sai yaki bin umarnin su hakan ya sanya dan sanda  dake zaune yana aikin gadi ya ja kunamar bindigarsa ya harbi wannan matukin motar kuma nan take ya rasu.

Rundunar ‘yan sanda ta Kano ta yi holin masu yin garkuwa da mutane

Kano: Lauyoyi sun yi barazanar gurfanar da kwamishinan ‘yan sanda

Jihar Kano ta sami sabon kwamishinan ‘yan sanda

Hakan tasa abokin tafiyar direban ya kasa magana saboda dimaucewa da yayi ganin abinda yafaru da wanda suke tare.

Tuni dai tawagar ‘yan sanda suka halacci gurin da abin yafaru  karkashin jagorancin babban mukaddashin kwamishinan’ yan sanda na Kano mai lura da ayyukan yau da kullum DSP Balarabe sule.

Kakakin rundunar ‘yan sanda ta jihar DSP Abdullahi Haruna ya ce rundunar na tattara bayanai kafin gurfanar da wanda ake zargi a kotu

 

 

 

 

 

Continue Reading

Now Streaming

Trending

Copyright © 2019. Freedom Radio Group. All Rights Reserved.