Connect with us

KannyWood

Muhimman abubuwan da suka faru a Kannywood cikin makon da ya gabata

Published

on

A ranar Asabar ne aka rintsar da sabbin shuwagabannin ƙungiyar masu shirya finafinan Kannywood ta Nijeriya, wato MOPPAN, biyo bayan zaben da aka gudanar a garin Dutse babban birnin jihar Jigawa.

Tsohon shugaban Hukumar Tace Finafinai ta Ƙasa (NFVCB) shiyyar arewa-maso-yammacin ƙasar nan, Dakta Ahmad Sarari, shi ne ya lashe zaɓen zama shugaban kungiyar ta MOPPAN inda yayi nasarar kan abokin takararsa kuma shugaban ƙungiyar da ya nemi yin ta-zarce, wato Alh. Abdullahi Maikano Usman, Wanda tuni ya aike da sakon taya murna ga sabon shugaban.

Dakta Sarari dai yayi alkawarin sake bunkasa kasuwar fina-finan Hausa da kuma kara fadada tasirin masana’antar zuwa sauran jihohi, sannan yayi alkawarin ganin ya magance dukkan matsalolin dake addabar masana’antar ta Kannywood.

Dakta Ahmad Sarari Sabon Shugaban Kungiyar Moppon

A wani labarin kuma Wasu ɗalibai ‘yan Arewacin Najeriya da ke karatu a ƙasar Indiya da malaman su Indiyawa sun karrama jarumi Ali Nuhu da lambar yabo, kamar yadda ya shaidawa BBC cewa sun gayyace shi har zuwa can kasar ta India inda suka karramashi a yayin gudanar da bikin ranar al’adu.

Yayin da ake karrama jarumi Ali Nuhu a kasar India.

A wani bangaren kuwa juruma Hafsat Idris wadda aka fi sani da Barauniya ta fashe da kuka a yayin da tsohon sanata mai wakiltar Kaduna ta tsakiya sanata Shehu Sani ke bata kyautar Face of Kannywood da ta lashe a gasar City Movie Award ta bana da aka gabatar a birnin Lagos.

Tun da farko dai Jarumar ta rufe fuskarta yayin da yake bata kyautar, inda bayan da ta karba aka mika mata abin Magana kawai sai ta rushe da kuka tana mai godiya bisa karramawar da aka yi mata.

Wannan batu dai ya dauki hankulan masoyanta da dama, inda suka rika bayyana mabambamtan ra’ayoyi kan hakan a shafukan sada zumunta.

Jaruma Hafsat Idris jim kadan bayan ta karbi kyautar.

Kotun majistret Mai lamba 15 karkashin Mai sharia Muntari Garba Dandago ta bada belin jarumar nan da tayi fice a kafafan sada zumunta wato Sadiya Haruna.

Mai Sharia Dandago ya ayyana cewar laifin da ake zargin Sadiyar ta aikata laifi ne da za’a iya bayar da ita beli.

Don haka ya bayar da belin bisa sharadin mutum biyu da zasu tsaya mata idan kuma ta tsere to wadanda suka karbi belin za su biya zunuzurutun kudu har naira dubu dari biyar.

Kotun ta kuma yi hani ga Sadiyar da mai kara Isa A Isa kan kada wanda ya kara yin maganar a wata kafar sadarwa ko wacce iri ce har zuwa karshen shariar.

Tun da farko dai ‘yansanda ne suka gurfanar da sadiyar a gaban kotun sakamakon korafin da jarumi Isa A. Isa ya shigar na zargin ta bata masa suna wanda ita kuma Sadiyar ta musanta zargin.

Wakilin mu Yusuf Nadabo Isma’il ya ruwaito cewar an dage shari’ar zuwa ranar 14 ga watan gobe.

Hoton jarumi Isa A. Isa da Sadiya Haruna.

A dai masana’antar ta Kannywood a wannan makon da muke ciki ne Fitaccen mai bada umarni Al’amin Chiroma da mai dakinsa Wasila Isma’il suka cika shekaru 17 da yin aure.

Al’umma da dama nata fatan alkhairi ga wannan iyali.

Hoton jarumi Al’amin Chiroma da mai dakinsa.

Jarumi Mustapha Naburaska ya kammala ginin gidansa a wannan makon da muke bankwana dashi a Kano kamar yadda mujallar Film Magazine ta rawaito, tuni masoya suke ta taya jarumin murna.

Hoton sabon gidan jarumi Mustapha Naburaska.

Ku bayyana mana ra’ayoyin ku game da wadannan labaran.

KannyWood

Muna yin Fina-finai ne dai-dai da addini Musulunci -Inji Furodusa

Published

on

Fitaccen mai shirya fina-finan Hausar nan Sani Ali Abubakar Indomie ya bayyana cewa fina-finan da sukeyi suna yinsu ne dai-dai da addinin Musulunci.

Sani Indomie ya bayyana hakan ne yayin da yake tsokaci kan sabon film din da ya shirya na “Karamin Sani” inda yace kacokan wannan shiri ya mayar da hankali ne kan koyar da al’umma kaidata ubangiji madaukakin sarki wato Tauhidi.

“Acikin fina-finai na babu rawa kuma babu kida, saboda ya dace da tsari irin na addinin Musulunci” a cewar Abubakar Indomie.

Wannan dai na zuwa ne a lokacin da wasu al’umma ke kallon masu shirya fina-finan Hausar na wuce makadi da rawa wajen tsikarar al’ada da addinin malam bahaushe.

Continue Reading

KannyWood

Kun san jaruman da sukafi yawan mabiya a Kannywood?

Published

on

Dandalin sada zumunta na Instagram shi ne shafin da jarumai da kuma masu hurda da masana’antar shirya fina-finan Hausa ta Kannywood sukafi maida hankali akan sa.

Babu shakka ga duk wanda ke neman wata gulma ko tsokaci game da masana’antar Kannywood to kawai yayi amfani da shafin Instagram domin ganin dukkan wainar da ake toyawa a masana’antar.

A yayinda shekara ta 2019 ke bankwana Freedom Radio ta bibiyi manyan jaruman dake amfani da dandalin na Instagram inda muka zakulo muku mutane goma sha daya da suke da yawan mabiya a masana’antar.

(more…)

Continue Reading

KannyWood

Hotunan fitsara: Rahma Sadau ta ce ita ba ‘yar Kano ba ce- Kannywood

Published

on

Shugaban kungiyar masu shirya fina-finai ta Arewa reshen jihar Kano, Jamilu Ahmed Yakasai, ya ce matsalar da suke fuskanta game da daukar mataki kan jarumar nan ta masana’antar Kannywood Rahma Sadau cikin wani yanayi marar kyan gani abin kyama ita ce jarumar ta yi ikirarin cewa ita fa ba ‘yar Kano bace saboda haka ba su da iko akanta.

Sai dai ya ce kungiyar za ta ci gaba da sa ido kan jarumar domin gano gaskiyar ikirarin da ta yi.

“Matukar muka gano cewa tana karkashin ikon mu ba zamu bata lokaci ba wajen daukar matakin ladaftarwa akanta”

“Ba zamu saurara mata Ina tabbatar muku matukar ta yi kokarin shirya film a yankin da muke iko wato nan jihar Kano.

“Amma a yanzu bamu da iko saboda bazan iya yin hukunci a wata jiha ba saboda suma da nasu shugaban cin”

wakilin mu Abdullahi Isa ya rawaito cewar,sShugaban kungiyar masu shirya fina-finai ta Arewar  reshen jihar Kano, ya bayyana hakan ne a wajen bikin rantsar da sababbin shugabannin kungiyar reshen jihar Kano, wanda ya gudana a yau Lahadi goma sha biyar ga watan Disamba.

A baya-bayan nan ne dai wasu hotuna da faifan bidiyo da su ka yi ta yawo a kafafen sada zumunta na Facebook da Instagram, aka hango jarumar cikin wani yanayi shiga marar kyan gani na rashin da’a tana ta taka rawa, inda wani sassa na jikinta musamman ta kafarta duk a waje yake.

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!