Connect with us

Labarai

Kai tsaye : Sarkin Kano na karbar tawagar masu zuba jari daga kasar China

Published

on

A yanzu dai a na tsaka da cin abinci bayan da Hakiman sarki su kamala gaisuwa yayin da mai martaba sarkin Kano ke cigaba da karbar tawagar yan kasar Sin masu son zuba jari a kasar nan a fadar dake Kofar Kudu.

A halin yanzu maimartaba Sarkin Kano Mallam Muhammadu Sanusi II ya zauna a fadarsa yayinda yake karbar bakunci tawagar masu sanya hannun jari daga kasar China don bunkasa jihar Kano a fadarsa.

Ku cigaba da bibiyarmu kai tsaye ta shafin mu na Facebook a Freedom Radio Nigeri

Maimartaba sarkin Kano Mallam Muhammadu Sanusi II na karbar bakuncin rukunin masu zuba jari daga kasar China yau jumu’a a fadarsa.

Idan zaku iya tunawa dai a baya-bayan nan ne gwamnan jihar Kano Dakta Abdullahi Umar Ganduje da maimartaba sarkin suka gana da ‘yan kasuwar a birnin legas, domin lalubo hanyoyi da zasu sanya hannun jari don bunkasa al’amura a jihar Kano.

Hakan ya biyo bayan ziyarar da maimartaba sarkin ya kai kasar China kan yadda za’a bunkasa tattalin arzikin jihar Kano.

Ku cigaba da bibiyarmu kai tsaye ta shafin mu na Facebook a Freedom Radio Nigeria, kallon yadda take wakana a kai tsaye a fadar mai martaba sarkin Kano

Labarai

Shugaba Buhari ya jajantawa alummar Garkida

Published

on

Shugaban kasa Muhammadu Buhari ya jajantawa al’ummar kauyen Garkida na jihar Adamawa da kungiyar Boko Haram ta kaiwa hari.

Wannan na kunshe ne cikin wata sanarwa da babban mataimaki na musamman kan harkokin yada labarai Garba Shehu ya fitar jiya a birnin tarayya Abuja.

Ta cikin sanarwar, shugaban kasa Muhammadu Buhari ya ce shakka babu sojojin kasar nan sun mai da hankali kan rage wa mayakan Boko Haram karfi a yankunan arewa maso gabashin kasar nan.

Shugaba Buhari ya ce ya zama wajibi a yabawa jami’an tsaron kasar nan kan yadda suke aiki ba dare ba rana wajen tabbatar da zaman lafiya.

Yaki da cin hanci da rashawa bana Buhari ba ne- Ministan Ruwa

Buhari Bai Damu Da Harkokin Lafiya Ba-Likitocin Yara

Shugaba Buhari ya gana da sufeton yan sanda ta kasa kan arangamar yan Shi’a

Muhammadu Buhari ya kara da cewa, nan da wani dan lokaci Gwamnati zata kaddamar da kamfe kan yakar ta’addanci.

Shugaban kasa ya kuma yi kira ga al’ummar kasar nan wajen ci gaba da baiwa jami’an tsaro goyon baya na kare dukiya da tsaron lafiyar ‘yan kasar nan.

Continue Reading

Labarai

Kai tsaye: Cigaba da bikin yaye daliban jami’ar tarayya ta Dutse

Published

on

Note: Ana cigaba da sabinta wannan shafi, ku cigaba da bibiya


Dalibai guda dari 786 ne jami’ar tarayya ta Dutsen jihar Jigawa, ke bikin yayewa a yau.

Rahotanin sun bayyana cewar, daga cikin dalibai dari bakwai da tamanin da shida (786) da ake bikin yayewa, hamsin da biyu (52) sun samu digiri mai matakin daraja ta farko wato First Class.

Kuma wannan shi ne karo na 5 da jami’ar ke bikin yaye dalibai.

Yanzu haka ana dab da kammala wannan biki da dake gudana a babban dakin taro na jami’ar.

A jawabin da ta gabatar, na yau Asabar shugabar jami’ar, Farfesa Fatima Batulu Muktar ta bayyana farin cikinta, tare da godiyar ta ga mahalarta taron inda ta bayyana irin nasarori da jami’ar ta samu musamman a bangaren ilimi da sauran bangarori na ci gaban jami’ar.

Farfesa Batulu Mukhtar ta kuma mika godiyar ta ga abokan hulda musamman gwamnatin jihar Jigawa da sauran dai-daikun al’umma da suka bada gudunmuwa wajen ci gaban jamiar.

Ku kalli hotuna daga wurin taron na yau:

Continue Reading

Labarai

Mata basu fiya karbar rashawa ba -Muhuyi Magaji Rimin Gado

Published

on

Gwamnatin jihar kano ta yi kira ga al’umma a ko wane mataki da su tashi tsaye domin yaki da cin hanci da rashawa ganin yadda matsalar ke kassara tattalin arzikin kasar nan.

Kwamishiyar mata ta jihar Kano Malama Zahra’u Umar ce ta yi wannan kiran ya yin wani taron bita da ma’aikatar kula da harkokin mata da hukumar karbar korafe korafe da yaki da cin hanci da rashawa ta jihar kano suka shirya don tattauna matsalolin dake addabar mata.

Malama Zahra’u ta kara da cewa mata suna da rawar da zasu taka wajen dakile ayyukan cin hanci da rashawa ta bangaren janyo hankalin mazajensu da su guji karbar na goro.

A nasa jawabin shugaban hukumar karbar korafe-korafe da yaki da cin hanci da rashawa ta jihar kano Muhuyi Magaji Rimin Gado ya ce mata basu faya karbar cin hanci ba.

Wakilin mu Shamsu Dau Abdullahi ya ruwaito cewa mata da dama ne suka hallarci taron na wayar da kan mata akan cin hanci da rashawa.

 

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!