Kar wanda ya kara biyan haraji ga ma’aikatanmu- Hukumar tattatara kudin shiga ta jiha

Hukumar tattara kudaden shiga   ta jihar Kano ta bukaci masu biyan haraji a jihar Kano da kar su ke bawa ma’aikatan hukumar kudi a matsayin hanya ta biyan haraji.

Shugaban hukumar Sani Abdulkadir Dembo ne ya bayyana haka lokacin da yake tattaunawa da filin Barka da Hantsi na nan Freedom Radio.

Sani Dembo ya kara da cewa hukumar ta fito da tsare tsaren da mai biyan haraji zai bi ta banki kuma a ba shi rasiti wanda zai zame masa hujja.

Yace daga inganta hukumar zuwa yau hukumar tattara kudaden shigar ta jihar Kano na samun Naira biliyan biyu zuwa sama duk shekara.

Sani Dembo yace a  baya kafin inganta hukumar gwamnatin Kano na samun Naira miliyan dari uku zuwa sama ne kacal a matsayin kudaden shiga.