A rufe layin duk wanda bai hade shi da NIN ba – Buhari

Shugaban kasa Muhammadu Buhari ya bada umarnin rufe layukan wayar da ba a hade su da lambar NIN ba.

Umarnin zai fara aiki daga yau Litinin 04 ga watan Afrilu na 2022.

A cewar shugaba Buhari ta bakin minisatan sadarwa da tattalin arziki na zamani Farfesa Isa Ali Ibrahim Pantami, ya ce duk wanda bai hade layukansa na waya da lambar katin dan kasa ba ta NIN, zai rasa damar yin kiran waya a kowanne layi.

Ya ce, ya zuwa yanzu yan Najeriya sama da miliyan 125 ne suka hade layukansu da lambar NIN kamar yadda hukumar samar da lambar ta tabbatar.