A yau ake sa ran shugaban Buhari zai gana da shugaban Amurka Donald Trump

A yau Litinin ake sa-ran shugaban kasa Muhammadu Buhari zai gana da takwaransa na Amurka Donald Trump a birnin Washington DC, bayan amsa gayyatar Trump din da ya yi a jiya Lahadi.

Baya ga ganawar ta su da shugaba Trump, ana fatan zai tattauna da wasu kamfononin Amurka da saurn masu zuba jari domin ganin sun zuba jari a Najaeriya, a yunkurin da gwamnatin tarayya ke yi na farfado da tattalin arzikin kasa.

Tun a jiyan dai wasu ‘yan Najeriya da suka hadar da shugaban rukunin kamfanonin Dangote Aliko Dangote ya kai masa ziyara a masaukinsa.

Sauran da suka ziyarce shi sun hadar da shugabar kwamitin harkokin waje na majalisar Dattijai Sanat Monsurat Sunmonu da takwaranta na majalisar wakilai Nnenna Elendu Ukeji.