Abaya: za mu fara ladabtar da masu tsokanar matan da suka sanya doguwar riga – ibn Sina

Hukumar Hisbah ta jihar Kano ta ce za ta fara ladabtar da masu tsokanar matan da suka sanya abaya.

Babban kwamandan hukumar anan Kano Sheikh Muhammad Harun Ibn Sina ne ya bayyana hakan.

Ibn Sina ya ce, hukumar su tana sa ne da abinda ke faruwa a wannan lokaci kan tufafin Abaya da mata ke sanyawa wanda a yanzu ake tsokanar su da ita.

“Ba za mu zuba idanu muna ganin ana tozarta mata kan sutturar da suke sanyawa a yanzu ba, a don haka mun shirya fara ladabtar da duk wanda muka kama da wannan dabi’a” inji Ibn Sina.

Babban

kwamandan hukumar ya kuma ce Abaya suttura ce ta kamala wadda musululci bai haramta sanyawa ba adon haka hukumar mu za ta dauki matakin da ya dace don magance matsalar.