Abun takaici ne a dinga amfani da Ganduje wajen yin murdiyar zabe – Bashir Sanata

Bashir Sanata daga jam’iyyar PDP yace ko kadan bai kamata gwamnan Kano ya rika bari ana amfani dashi a wajen yin murdiyar zabe ba domin hakan bai kamata ba ace mutum mai shekaru kamarsa yana haka.

Bashir Sanata bayyana hakan ne ta cikin shirin kowane Gauta na tashar Freedom Radio Kano, yana mai cewa kowa yasan jam’iyyar APC tayi shura wajen kwacewa wadanda suka yi nasara a zabe musamman jam’iyyar sa ta PDP mai hamayya.

Sanata ya kuma kara da cewa kamata yayi gwamnan na Kano yayi kokarin sauke nauyin dake kansa na jagorancin mutanan Kano amma abunda gwamnatin APC ke yi a yanzu yiwa demokaradiyyar kasar nan karan tsaye ne kawai.