AKTH ya musanta bada ayyukan kwangila

Asibitin koyarwa na Aminu Kano ya musanta jita jitar da ake yadawa cewa Asibitin zai bada ayyuka masu yawa ga ‘yan kwangila daban-daban.

Wannan na cikin wata sanarwa da jami’ar hulda da jama’a ta asibitin Hauwa Muhammad Abdullahi ta fitar ga manema labarai a Larabar nan.

Sanarwar ta ce a yanzu haka asibitin ba shi da wata kwangila da zai iya bayarwa.

“’Dukkanin ayyukan kwangilar da ake yi a cikin asibitin AKTH gwamnatin tarayya ce ta ke bayar da su”.

kazalika sanarwar ta gargadi al’umma da su guji jefa kan su cikin rigima tare da kaucewa fadawa hannun ’yan damfara.