An dakatar da zirga-zirgar jiragen ƙasa a Najeriya -NRC

Hukumar kula da zirga-zirgar jiragen ƙasa ta ƙasar nan NRC, ta ce ta dakatar da zirga-zirgar jiragen kasa a ƙasar sakamakon matsalar tsaro.

Hukumar ta sanar da hakan ne a shafinta na intanet a ranar Alhamis 21 ga watan oktoba .

Hakan na zuwa ne sakamakon harin da aka kai wa wasu daga cikin jiragen ƙasar nan hari a hanyar Abuja zuwa Kaduna har sau biyu a jere.

Harin farko ya faru ne a ranar Laraba da yamma kan jirgin da ke tafiya Kaduna daga Abuja, sai kuma hari na biyu da ya faru ranar Alhamis da safe a kan jirgi mai tafiya Kaduna daga Abuja.