An yi mummunan hatsarin mota a jihar Jigawa

Wani mummunan hatsarin mota ya yi sanadiyyar mutuwar mutane hudu ‘yan gida daya a kan hanyarsu daga nan Kano zuwa karamar hukumar Malam Madori a Jihar Jigawa.

Wani dan uwan mamatan ya ce sun fito ne daga iyalin darakta mai kula da manyan makarantu a ma’aikatar ilimi ta Jihar JigawaHajiya Safiya Muhammad.

Mutanen sun rasu ne bayan da motarsu ta yi adungure a Danladin-Gumel da ke karamar hukumar Gumel a jiya asabar.

Nan take ne dai uku daga ciki suka mutu yayin da guda ta mutu bayan an kaita asibiti.

Sai dai da muka tuntubi rundunar ‘yan sanda ta jihar Jigawa kan wannan mumunan hatsarin hakan mu bai jima ruwa kasancewar wayar mai magana da yawun rundunar Abdu Jinjiri ba ta shiga