Ana zanga-zanga a jihar Osun kan karin kudin wuta da man fetur

Da sanyin safiyar yau Juma’a ne hadakar kungiyoyin kishin al’umma a garin Osogbo na jihar Osun suka fara gudanar da zanga-zangar lumana domin nuna adawarsu ga Karin farashin man fetur da kuma kudin wutar lantarki.

Rahotonni sun bayyana cewa, an fara gudanar da zanga-zangar ne da misalign karfe 8:30 na safe a dandalin Freedom Park.

Masu zanga-zangar dai na dauke da kwalayen da ke dauke da kalaman nuna adawa da Karin kudin lantarki da kuma na man fetur wanda gwamnatin shugaban kasa Muhammadu Buhari ta yi.

Haka kuma masu zanga-zangar sun bukaci gwamnatin da ta janye Karin farashin don kuwa bai zo a lokacin da ya dace ba.