APC ta ɗage babban taron ta na ƙasa

Jam’iyyar APC mai mulki ta ɗage babban taron ta na ƙasa.

Tun da farko dai jam’iyyar ta tsara gudanar da babban taron ne a ranar 26 ga watan Fabrairun 2022, amma batutuwan da suka haɗa da rikicin shiyya-shiyya da na wasu jihohin sun zama barazana ga taron.

A wata wasika mai ɗauke da kwanan watan 21 ga Fabrairun 2022, shugaban jam’iyyar na rikon kwarya kuma gwamna jihar Yobe Mai Mala Buni, da shugaban kwamitin tsare tsare-tsare na Jam’iyyar Sanata John James Akpanudoedehe ne suka sanar da hukumar zaɓe mai zaman Kanta ta ƙasa INEC batun ɗauke taron.

Sai dai jam’iyyar ba ta sanar da lokacin da za ta yi taron a gaba ba.

Rahotonni na nuna cewa akwai yiwuwar gudanar da taron a watan Maris kamar yadda jaridar Dailytrust ta rawaito.