Artabu: Ƴan Bijilante sun cafke masu garkuwa da mutane a Kano

Jami’an tsaron suntirin Bijilante na jihar Kano, sun cafke wasu mutane biyu da ake zargi da yin garkuwa da mutane a karamar hukumar Sumaila.

Shugagaban ‘yan sintirin Bijilante na jihar Kano, Muhammad Kabir Alhaji ne ya bayyana hakan a zantawarsa da manema labarai da yammacin jiya Litinin.

Ya ce mutanen biyu da suka kamo sun hadar da Ibrahim Gamji dan asalin kauyen Gomo da Tukur Ali dan asalin kauyen Kauyen Masu.

Muhammad Kabir ya ce, sun cafke wadanda ake zargin ne kwanaki kadan bayan da suka fafata da su, sannan suka kubutar da wasu da suka yi garkuwa da su, daga nan ne kuma jami’an suka ci gaba da bin sahun su ta hanyar bayanan sirri da suke samu har suka kame su.