Azal: Wani almajiri ya hallaka abokinsa a Kano

A na zargin wani matashi da hallaka abokin sa a unguwar sheka gidan leda a karamnar hukumar Kumbotso.
Lamarin dai ya faru ne a yammacin jiya Laraba yayin da wasu matasa biyu da suka hadar da Shu’aibu da Abdullahi da ke wasan guje-guje inda Shu’aibun ke rike da almakashi kuma bayyi aune ba ya cakawa Abdullahi a kirji wanda yayi sanadiyyar mutuwarsa nan take.
Jami’in hurda da jama’a na rundunar yan sandan Kano ya tabbatar wa da Freedom Radio faruwar lamarin, inda ya ce suna ci gaba da tattara bayanai a kai, domin daukar matakin da ya dace.
A kwanakin nan dai ana samun yawaitar kasha-kashen mutane, a nan Kano, wanda kuma jami’an tsaro ke cewa suna iya bakin kokarin su wajen dakile hakan.