Ba zamu lamunci karin farashin man fetur ba – NASU

Kungiyar ma’aikatan jami’o’i da ba malamai ba, NASU ta ce, ba za ta Amince da karin kudin man fetur ba, wanda aka kara daga Naira dari da Ashirin da uku zuwa Naira dari da Arba’in da uku digo tamanin ba.

Ta cikin sanarwar da kungiyar ta fitar mai dauke da sa hannun sakataren ta Peter Adeyemi.

Sanarwar ta ce, karin ba ya cikin tsarin da ya kamata abi a wannan lokaci da duniya ke fuskantar annobar corona.

Peter Adeyemi ya kara da cewa, kungiyar ta lura da yadda tattalin arziki ya samu kansa a ciki, sakamakon cutar corona wanda ya sanya ‘yan kasar nan cikin mawuyacin hali.

Kungiyar ta bukaci gwamnatin tarraya da ta sake nazartar farashin man fetur din, duba da halin matsi da ma’aikata da sauran ‘yan kasa ke ciki.