Rudunar sojan ta kasa ta musanta sojoji 356 za su ajiye aiki

Rundunar sojin kasar nan ta musanta labarin da ake yadawa na cewar sama da sojoji 356 sun ajiye aiki sakamakon rashin samun kulawa da ya sanya ba su da sha’awar aiki.

Ta cikin sanarwar da rundunar ta wallafa a shafin ta na Twitter ta ce labarin da wasu jaridun internet ke wallafawa bashi da tushe ballantana makama.

Sanarwar ta kara da cewa labarin na bayyana cewa akalla sojoji 356 ne suka ajiye aiki sakamakon yadda aikin ya fita a ransu saboda rashin kulawa, sai dai rundunar ta ce wannan na zuwa ne dai-dai lokacin da rundunar ke kara aikewa da jami’an ta sassan kasar nan don yaki da ta’addancin kungiyar Boko Haram.

Rundunar sojin ta cikin sanarwar ta yi All…. Wadai da labarin, inda ta ce abinda rundunar ta sa ni shi ne wasu daga cikin jami’an ta na shirye shiryen yin ritaya sakamakon karewar wa’adin aikin su.

Kazalika rundunar ta ce a yanzu haka ta kara aikewa da rundunar sojoji zuwa arewa masu gabashin kasar nan yayin da wasu da dama aka rarrabasu zuwa sassan kasar nan don yaki da ayyukan ta’addanci.