Babu malamin da zai zauna jarrabawar cancanta – NUT

Ƙungiyar malamai ta ƙasa reshen jihar Kaduna ta ce, babu wani malami a makarantar Firamare da zai zauna jarabawar cancantar da gwamnatin jihar ta shiryawa.

Ƙungiyar ta bayyana hakan ne a cikin sanarwar da ta fitar a ƙarshen wani taron gaggawa na majalisar zartarwar ƙungiyar da aka gudanar.

A cikin sanarwar, wadda shugaban ƙungiyar Ibrahim Ɗalhatu da mataimakin babban sakatare Adamu Ango suka sanyawa hannu, ta bayyana cewa kamata yayi a fara shigar da kuɗaɗen da za a yi aikin horar da malaman.

Idan za a iya tunawa a watan Janairun 2018, gwamnatin jihar ta sallami kimanin malamai dubu 22 saboda faɗuwa jarabawar cancanta da aka gudanar a shekarar 2017.