Badaru: Ya hana tuka Babur a kananan hukumomi 27 a Jigawa-Tsaro

Gwamnatin jihar Jigawa ta dakatar da zirga-zirgar baburan hawa a kananan hukumomin jihar 27, sakamakon matsalolin rashin tsaro da ake fuskanta.

Hakan nazuwa lokacin da shugaban kungiyar kananan hukumomin jihar, Bala Chamo ke zantawa da manema labarai a garin Dutsan jihar ta Jigawa.

Bala Chamo ya ce hana zirga-zirgar Baburan zai rinka aiki ne daga karfe 9 na dare zuwa karfe 6 na safiyar kowacce rana.

Gwamnatin ta jigawa ta kuma bukaci al’ummar jihar da su bawa jami’an tsaro hadin kan daya kamata a ayyukan da suke na samar da tsaro a fadin jihar.