Bikin ranar haɗa magani: Za mu tabbatar da ingancin magani kafin fitar da shi kasuwa – Malam Ahmad

Ƙungiyar masu fasahar haɗa magunguna ta ƙasa ta ce, duk wani magani da aka haɗa shi, sai an fara gwada shi a kan dabbobi kafin mutane.

Shugaban ƙungiyar reshan jihar kano Malam Ahmad Yusuf ne ya bayyana hakan ta cikin shirin Barka da Hnatsi na Freedom Radio.

Shirin wanda ya mayar da hankali kan bikin ranar haɗa magunguna wanda majalisar ɗinkin duniya ta ware talata ta uku a watan Oktoba don yin bikin.

Malam Ahmad Yusuf ya ce “ Ƙungiyar mu na ba da gudunmawa wajen hada magani ga marasa ƙarfi da kuma samar da shi a farashi mai sauƙi baya ga samar da shi mai inganci yadda ake buƙata”.

“kamata yayi matune su riƙa amfani da magunguna masu kyau sannan su riƙa bincikawa ayayin don sanin lokacin da ya ɗauka a kasuwar, amma dai muna fuskantar kalubale na rashin yin binkice mai zurfu da kuma rashin zurfafa ilima ga masu sayar da magani” in ji Ahmad.

Malam Ahmad Yusuf ya buƙaci al’umma da su mayar da hankali wajen sayen magunguna masu kyau a guraren da ya dace.