Braut Erling Haaland na son komawa Real Madrid

Dan wasan gaba na kungiyar kwallon kafa ta Borussia Dortmund Braut Erling Haaland ya ce burinsa shi ne ya koma shararriyar kungiyar nan ta Real Madrid ta kasar Spain, da zarar ya bar Dortmund.

Jaridar Marca ta kasar Spain ta rawaito cewa manyan kungiyoyin Turai da suke zawarcin dan wasan sun hada da Manchester City da Manchester United da kuma Chelesea, dukkansu daga gasar Firimiyar kasar Ingila.

Haka zalika Kungiyar Barcelona ta Spain an danganta ta cikin masu son sayen dan wasan, dan asalin kasar Norway.