Buhari: Hada layukan waya da lambar dan kasa zai magance matsalar tsaro

Shugaban kasa Muhammadu Buhari ya ce ci gaba da aikin har hada layukan wayar tarho da lambar dan kasa zai taimaka gaya wajen dakile matsalolin tsaro da ke addabar Najeriya.

Da ya ke jawabi yayin taro kan harkokin karfafa gwiwa game da sarrafa kayayyakin cikin gida, shugaba Buhari ya bukaci ‘yan Najeriya da su bada hadin kai wajen hada layukansu na tarho da lambar su ta dan kasa

A cewar shugaban kasar hada layukan wayar tarho da lambar dan kasa zai kuma taimaka wajen karfafa tsaro da kuma bunkasa tattalin arzikin Najeriya

Tun farko da ya ke jawabi ministan sadarwa da bunkasa fasahar tattalin arziki, Dr Isa Ali Pantami, ya ce, ya zuwa yanzu akalla mutane miliyan 54 ne suka hada layukansu na tarho da lambar dan kasa.