Buhari ya amince da fitar da naira biliyan 10 don yin kidaya

Shugaban kasa Muhammadu Buhari ya amince da fitar da kudi naira biliyan goma don ci gaba da shirye-shiryen ayyukan kidaya a sauran kananan hukumomi 546 a kasar nan da suka rage ba a kai ga tantancewa ba.

Shugaba Buhari ya kuma amince da fitar da wasu karin kudi sama da biliyan hudu don ci gaba da shirye-shiryen yadda za a gudanar da kidayar al’ummar kasar nan, nan ba da dadewa ba.

Mai rikon mukamin shugabancin hukumar kidaya ta kasa Eyitayo Oyetunji ne ya bayyanawa manema labarai hakan a birnin tarayya Abuja, game da shirin da hukumar ke yi a baya-bayan nan.