Buhari ya nemi gwamnoni su tilastawa al’umma amfani da face marsk

Shugaban kasa muhammadu Buhari ya bukaci gwamnonin kasar nan dasu tilastawa al’umominsu yin amfani da takunkumin rufe hanci da baki, a wani mataki na cigaba da yaki da cutar corona a fadin kasar nan.

Muhammadu Buhari ya bayyana hakan ne lokacin da yake karbar rahotan kwamitin kar ta kwana dake yaki da cutar Covid 19 karkashin jagorancin sakataren gwamnatin tarayya Boss Mustapha jiya a Abuja..

Sai dai Shugaban kwamitin Boss Mustapha yayin mika rahotan kwamitin ga shugaban kasa yace ana samun cigaba a fadin kasar nan wajen yaki da cutar ta Covid 19.

Boss Mustapha ta cikin rahotan na kwamitin ya bayyana cewa  zasu bayyana mataki na gaba da cutar take a fadin kasar nan domin daukar mataki na gaba.