Champions League: Cristiano Ronaldo ya ci kwallo 136 a gasar

Dan wasan gaba na kungiyar kwallon kafa ta Manchester United dake kasar Ingila, Cristiano Ronaldo ya ci kwallo ta136 a gasar zakarun nahiyar turai ta Champions League a wasan da kungiyar kwallon kafa ta Young Boys dake kasar Sweazland ta yi nasara kan United da ci 2 da 1.

An buga wasan dai a yau 14 ga watan Satumbar shekarar 2021 a filin wasa na kungiyar ta Young Boys.

Hakan ya sa dan wasa yake kan gaba da tazarar kwallaye 35 tsakaninsa da ‘yan wasan da suka kai shekara 30 ko fiye da haka da suka ci kwallo a tarihin gasar.

Ronaldo ne ya fara zura kwallo a minti na 13 da fara wasan, inda Young Boys ta farke ta hannun dan wasan ta, Nicolas Moumi Ngamaleu.

Daf da za a tashi Young Boys ta kara kwallon ta biyu ta hannun Jordan Siebatcheu da hakan ya sa ta hada maki uku a karawar.