CORONA: An tsayar da ranar komawa kwalejin FCE ta Kano

Kwalejin ilimi ta tarayya a nan Kano FCE ta tsayar da ranar litinin 2 ga watan Nuwamba mai kamawa a matsayin ranar da za a koma karatu a makarantar kamar yadda aka saba.

Hakan na cikin wata sanarwa ce mai da dauke da sa hannun jami’in hulda da jama’a na kwalejin Auwal Mudi Yakasai.

Sanarwar ta ce, komawa makarantar ta shafi daliban da ke karatun na kullum da kuma wadanda ke yin karatu na wucin gadi wato Part-time da kuma sabbin dalibai.

Ta cikin sanarwar ta bukaci dukkanin dalibai da su dauki matakan kare kai daga kamuwa da cutar corona.