Cristiano Ronaldo ya zama gwarzan dan wasa firimiyar Ingila na watan Satumba

Dan wasan gaba na Manchester United Cristiano Ronaldo ya lashe gwarzan dan wasa na watan Satumba a gasar Firimiya ta kasar Ingila.

Ronaldo wanda ya dawo kasar Ingila a kakar wasannin da muke ciki bayan fafata wasa a kungiyoyin  kasashen Sifaniya da Italiya ya doke dan wasa Mohamed Salah, Allan da  Saint-Maximin, Antonio Rudiger, Joao Cancelo da kuma Ismaila Sarr

Ronaldo wanda ya koma  filin wasa na Old Trafford a watan Agustan da ya gabata, bayan da ya fara buga wasa a watan Satumba a wasan da Manchester United tayi nasara akan Newcastle da ci 4 da 1.

Haka zalika dan wasan ya taba zama gwarzan dan wasan wata a  kungiyar  a lokacin tsohon mai horar da tawagar Sir   Alex Ferguson.

Cristiano Ronaldo ya lashe gwarzan dan wasanne a karon farko tun a watan Maris din shekarar  2008.

‘Yan wasa  Sergio Aguero (7),  da Steven Gerrard ne suka lashe kyautar har sau  7 yayinda dan wasa Harry Kane ya lashe sau 6 sai kuma Cristiano Ronaldo ya lashe sau  (5)