Bayan rahoton Freedom Radio, Majalisar dokokin Kano ta yi sammacin shugaban hukumar tattara haraji

Majalisar dokokin jihar Kano, ta yi sammacin shugaban hukumar tattara haraji na jihaar Abdurrazaƙ Datti Salihi.

A baya-bayan nan dai Freedom Radio ta yi wasu jerin rahotanni kan wata ƙididdiga da Mujallar Economic Confidential ta fitar da ya nuna Kano na samun koma baya a wajen samun kuɗin shiga.

Majalisar ta buƙaci shugaban da ya gurfana a gabanta domin yi mata bayani kan yadda hukumar ke tattara kuɗaɗe.

Kiran ya biyo bayan buƙatar da shugaban masu rinjaye Alhaji Labaran Abdul Madari ya gabatar.

Madari ya ce, kundin tsarin mulkin Najeriya ya bai wa majalisar damar yin sammacin duk mai riƙe da muƙamin da ake nema kan ya bayyana gabanta domin share mata tantama.