Dalibai sun ce an rage musu zaman banza.

Ranar Litinin ɗalibai a Kano suka shiga mako na biyu da komawa makaranta. Daliban da suka koma karatu, sun bayyana farin cikinsu game da bude makarantun, inda wasu ke cewa komawa ajujuwa ya rage musu zaman banza, wasu kuma na cewar sun manta inda aka kwana a darussa.

Kwamishinan ilimi na jihar Kano Malam Sanusi Sa’idu Ƙiru ya shaida wa Freedom Radio cewa kafin buɗe makarantun sai da aka yi feshin kashe ƙwayoyin cututtuka a makarantu, sannan an tanadi wuraren wanke hannu.

A ranar Litinin din makon da ya gabata ne dai aka buɗe makarantun firamare dana sakandire na gwamnati da kuma masu zaman kansu cikin tsauraran matakan kariya saboda cutar Corona a Kano.